BRUGGE, RIJKSARCHIEF, Familiefonds 1084 13 juli 1359
Voor de baljuw
en 5 leenmannen van het niet nader toegelichte leenhof van Jan Ruebs zoon van
Jacob, stelt Jan zoon van Pieter zoon van Jan, dat hij zijn vliegend leen
gehouden van het voornoemde leenhof, aan Gilloet zoon van Willem Gilloet
verkocht. Het betreft een jaarlijkse erfelijke rente van 30 schellingen op 7
gemeten land genaamd Viantsmaet in Honkevliet (=Sint-Pieterskapelle). Er hadden
3 kerkgeboden plaats. De verkoop gebeurt uit noodzaak. Jan zoon van Pieter zoon
van Jan wordt onterfd. Gilloet zoon van Willem Gilloets wordt ingeërfd
Wie Jan van
Aertrike, Heinric Braderic, Willem filius Willems Yrinx, Clais filius Clais
filius Pieters ende Arnoud filius Clais filius Pieters, mannen van leene Jan filius
Jacops Ruebs, doen te wetene allen den ghuenen die desen / chaertere zullen
sien of horen lesen, dat cam vor ons ende vor Willem Cante onsen bailliu ende
wettelijc maenre in dien tiden van Jan Ruebs weghe vorseit in wetteliken hove,
Jan filius Pieters filius / Jans. Ende begheerde wettelike te buten te gane van
eenen leengoede van dartich sceleghen parisisen aerveliker renten siaers
licghende in Ghistele ambocht ende prochie van Onkenvliete. De/welke vorseide
rente beset ende assingneert staet up zevene ymete lands, lettel meer of min,
dewelke men heet Viantsmaet licghende in de vorseide prochie van Onkenvliete,
daerof dat ghelt Reyfin filius Jans van / den Wase, zesse sceleghe ende neghene
peneghe parisise siaers. Item Jan
filius Ghiselin filius Ghiselins filius Goysins, twalef sceleghe ende achte
peneghe parisise siaers. Item Machtilt de weduwe Gheraerds Lettels, zesse sceleghe
/ twee peneghe ende enen hallinc parisise siaers. Ende Jan filius Pieter
Boudins, viere sceleghe ende onderhalven penninc parisise siaers. Ende aldaer
zo was vor oghen Gilloet filius Willem Gilloets. Dewelke / dit vorseide
leengoet begheerde wettelike te ontfane als coopre. Ende naer der begheerte van
hemlieden, zo maende Willem Cante onse vorseide bailliu ons vorseide manne wat
dat hire toe scoudich / ware te doene metten rechte. Ende wie vorseide manne
wijsden dat men ons kenlijc maken zoude de kerkeybode van desen vorseiden
leengoede. Ende aldaer zo waren van ons manne vorseit de / drie kerkeybode
wettelike ghekent ghedaen also men kerkeybode van leengoede scoudich ende
ghecostumeerd es te doene, ende onghecalengiert van ymene. Vort maende onse
vorseide bailliu ons vorseide / manne van den rechte. Ende wie vorseide manne
wijsden dat men Janne filius Pieters filius Jans den vercoopre vorseit ghevrach
doen zoude hoe ende in wat manieren dat hi te buten wilde gaen van / desen
vorseiden leengoede, zo bi hoire, zo bi noode. Ende aldaer zo was hem ghevrach
ghedaen van onsen vorseiden bailliu. Ende hi antwoerde dat hijs te buten wilde gaen
bi noode omme beters / wille ende omme aergher te scuwene. Ten welken dat hi
sinen eed dede. Ende mids sinen eede ende andre goede informatien, zo was hem
sine nood wettelike ghekent van ons manne vorseit. Vort / maende onse vorseide
bailliu ons vorseide manne van den rechte. Ende wie vorseide manne wijsden dat
Jan filius Pieters filius Jans vorseit dit vorseide leengoet met al datter
toebehoerd, up ende / in handen draghen zoude onsen vorseiden bailliu als in
sheeren handen te Gilloets filius Willems Gilloets bouf scoopers vorseit. Ende
aldaer zo vulcam hi tvorwijsde vonnesse ende drouch dit vors. / leengoed up
ende in handen onsen vorseiden bailliu als in sheren handen, ende ploctes,
hallemdes, waerps hem wel ende wettelike na costume ende usage van den hove.
Vort maende onse / vorseide bailliu ons vorseide manne van den rechte. Ende wie
vorseide manne wijsden dat Jan filius Pieters filius Jans de vercoopre vorseit
zo wel ende zo wettelike ontaervet ware ende ontaervet / es van desen vorseiden
leengoede ende van al datter toebehoerd ende zo vele dertoe ghedaen met handen
ende met monde, dat hiere nemmeer enich recht deran hadde no scoudich ware te /
hebbene met enighen rechte, ende dat men Gillote filius Willems Gilloets de
coopre vorseit wel dermede aerven mochte ende scoudich ware te aervene met
allen rechte. Ende naer allen den goeden / vorwijsden vonnessen, zo drouch onse
vorseide bailliu dit vorseide leengoet vort up ende in handen Gillote filius
Willems vors. den coopre vorseit, ende aervedene dermede wel ende wettelike na
costume / ende usage van den hove. Daer maende onse vorseide bailliu ons
vorseide manne van den rechte. Ende wie vorseide manne wijsden dat Gilloet
filius Willems Gilloets de coopere vors., zo wel ende / zo wettelike gheaervet
ware ende gheaervet es in dit vorseide leengoet ende in al datter toebehoert,
dat scoudich ware te sine ziin vri eghin wettelike leengoet, te houdene te
leene ende / in manscepen van Janne Ruebs vors. met sinen rechten dienste. Ende
aldaer ter stede zo was Jan filius Pieters filius Jans, de here, bailliu ende
manne vorseit vernoucht ende wel betaelt van / al haren ghelde ende rechte
datter anhanghen of cleven mochte tote den daghe van heden, ende scolden
Gillote den coopre vorseit quite ende allen den ghuenen diere cause toe hadden
of hebben / mochten met enighen rechte. Ende omme dat alle dese vorseide
dinghen waren ghedaen in rechte ende te wetten vulcomen bi maninghen van onsen
vors. bailliu ende bi wetteliken / wijsdomme van ons manne vorseit, met allen den
vonnessen ende zaken diere toebehoerden ghedaen te sine, ende niet min, so
hebben wie bailliu ende manne vorseit, in kennessen der / waerheden desen
chaertere gheseghelt met onsen seghelen huuthanghende. Dit was ghedaen int jaer
ons Heren als men screef ziin incarnatioen dusentich drie hondert neghene ende
/ vichtich upten dartiensten dach van hoymaende.
BRUGGE,
RIJKSARCHIEF, Familiefonds, 1191/1, akte d.d. 10 december 1430
10 december
1430
Denombrement
door Martin Scinkels zoon van Lodewijk, en dit van een leen van 5 gemeten 1
lijn land in Eernegem, ressorterend onder het leenhof van Wijd van Steeland (in
Roksem).
Ic Maertin
filius Looys Scinkels, kenne ende lie dat ic houde van Wijd van Steeland / een
leen, groot zijnde V ymeten J line, lettel meer of min, ligghende binden
ambochte ende prochie / van Erneghem, tusschen Maertins voors. lande an de
westzide ende Jacob filius Reyfins ende / Pieter Wijds haere beder land an de
oostzide, streckende met de noordhende an Maertins / voors. land. Ende es de
hofstede daer Antonis de Ghier nu up woent also de gracht van / noorden wijst,
ende met den sticke an de noordoostzide daeran. Ende ic Maertin voors. aldus /
dit overgheve als de gherechte grote van dien. Staende te trauwen ende te
waerheden / ende ter bester vrome. Bi der orconscepe van minen zeghel hieran
ghehanghen up den / tiensten dach van december int jaer ons Heren dusentich
vierhondert ende dertich.
BRUGGE,
RIJKSARCHIEF, Familiefonds 1191/1, akte d.d. 6 februari 1449 6 februari 1449
(N.S.) Denombrement door Jacob van der Boghaerdstrate van een leen van 5
gemeten 1 lijn land in Eernegem, ressorterend onder het leenhof van Hellin van
Steeland in Roksem.
Ic Jacob van
der Boghaerdstrate kenne ende lye dat ic houde in leene ende in / manscepe van
edelen ende werden Hellin van Steeland van zinen hove van / Roxseem, een
leengoed groot wesende vive ymete een line ende achte roeden / lands, ligghende
binder prochye van Ernegheem, tusschen Gillis Vellebiers / leene an de
westzijde ende Jan Beelaerds ende der kindren Jacob Refins lande an de /
oostzijde, streckende metten zuudhende an de Loodreve. Mijn voors. leengoed /
staet te trauwen ende te waerheiden ende ter bester vrome alst verandert. Dit /
ghevic Jacob vors. aldus over in rechten rapoorte onder minen zeighele. / Dit
was ghedaen int jaer ons Heeren M CCCC achte ende veertich den sesten / dach
van spoorkele.
BRUGGE,
RIJKSARCHIEF, Familiefonds 1191/1, akte d.d. 4 januari 1455
4 januari 1455
(N.S.)
Denombrement
door de 2 voogden en van leenhouder Matthijs van der Boghaerdstrate zoon van
Jacob, en dit van een leen van 5 gemeten 1 lijn land in Eernegem, ressorterend
onder het leenhof van Hellin van Steeland (in Roksem) dat zelf van het leenhof
van de heer van der Capelle in Koekelare afhankelijk is.
Wij Heinric
van der Haghe ende Jacob de Muelenare als voochden van Mathiisekin tkindt
Jacobs van der / Bogaertstrate, kennen ende lyen dat tzelve kindt houdende es
te leene ende in manscepe van Hellin / van Steelandt als van zinen hove ende
leene dat hij houdende es van minen heere van der Capelle / van zinen hove te
Coukelaere, een leen groot zijnde vive ghemeten ende eene line lands, lettel /
meer of mijn, ligghende binden ambochte ende prochie van Eernegheem, metter
westzide an / Martin filius Loys van der Lepe landt wilen was, ende metter
oostside an Jacob Reyfins ende Pieter Wijts / harer bedder land, streckende
metten noordhende an svoors. Martin filius Loys land wilen was. tWelk / leen
wij voochden voors. aldus overgheven als in verclaerse van der grote ende leghere
van / dien. Staende te dienste, te trauwen, te wareden, te relieve ende
camerlincghelde ende ter bester / vrome. Orconde onzen zeghels hieran
ghehanghen up den voerden dach in / laumaent int jaer duust vierhondert viere
ende vichtich.
BRUGGE, RIJKSARCHIEF,
Familiefonds 1191/1, akte d.d. 25 maart 1461
25 maart 1461
(N.S.)
Denombrement
door de voogd en "man van vooghdien" van leenhouder Matthijs van der
Boghaerdstrate zoon van Jacob, en dit van een leen van 5 gemeten 1 lijn land in
Eernegem, ressorterend onder het leenhof van Hellin van Steeland in Roksem dat
zelf van het leenhof van de heer van der Capelle (in Koekelare) afhankelijk is.
Ic Jan filius
Pieters Bast als wettelic vooght ende man van vooghdien van Mathijse tkind
Jacobs van der / Boghaertstrate, kenne ende lijde dat tselve Mathijsekin
houdende es te leene ende in manscepen / van Jooskine tkind Hellins van
Steeland als van zinen hove dat hij houdende es van mijnen / heere van der
Cappelle, als van zinen hove te Rouxhem, een leen groot zijnde vive ghemeten /
ende eene line lands, lettel meer of min, licghende binden ambochte ende
prochie van Eernegheem, metter / westsijde an Maertin filius Loys van der Lepe
land wilen was, ende metter oostside an Jacop Reyfins ende Pieter / Wijds harer
bedder landt, streckende metten noordhende an svoorseits Maertins filius Loys
land wilen / was. Staende te dienste, te trauwen ende te waerheden, ten relieve
ende camerlincghelde van der / bester vrome telker veranderinghe. Ter oorconden
van mijnen zeghele an dese lettre van rapoorte ghe/hanghen int jaer duust CCCC
tsestich up den XXVe-sten dach van maerte.
BRUGGE,
RIJKSARCHIEF, Familiefonds 1191/2, akte d.d. 3 december 1430
3 december
1430
Denombrement door
Jan van een leen van 7 lijnen land in Eernegem, ressorterend onder het leenhof
Wijd van Steeland in Roksem.
Ic Jan van der
Leye kenne ende lie dat ic houdende bem van Wijd van Stee/land, een leengoet
groot zinde VIJ linen, lettel meer of mijn, ligghende / binden ambochte ende
prochie van Eernegheem, noord van der kerke, / tusschen Wijds van Steelands
ende der weduwe ende der kinderen / Aernoud Nox haer alder land an de oostzide,
ende Aernoud filius Reyfins / Donsd an de westzide, streckende met den noordhende
up den leed. / Ende ic Jan van der Leye voors. aldus dit overgheve als de
ghe/rechte grote van dien. Staende te trauwen ende te waerheden ende ter /
bester vrome. Bij der orconscepe van minen zeghele (²) hieran ghehan/ghen up
den derden dach van december int jaer ons Heeren dusen/tich vierehondert ende
dertich.
BRUGGE,
RIJKSARCHIEF, Familiefonds 1191/2, akte d.d. 13 december 1448
13 december
1448
Denombrement
door de 2 voogden van leenhouder Hannekin van der Leye zoon van Jan, waarbij er
één specifiek als "man van voghdyen"
optreedt, en dit van een leen van 7 lijnen land in Eernegem, ressorterend onder
het leenhof van Hellin van Steeland in Roksem.
Wij Jan filius
Jans Lammeloots ende Jan filius Arnout Refins, als wetteleke voghden Hannekine
van der / Leye filius Jans, ende speciaeleke Jan filius Jans Lammeloots
bovenghenomd als man van voghdyen uter name / van Hannekine van der Leye vors.,
kennen ende lyen dat tvors. Hannekin houd in leene ende in / manschepe van
Hellin van Steeland van zinen hove van Roxeem, een leengoed groot zijnde zevene
/ linen lands, lettel min of meer, ligghende binden ambachte ende binder
prochye van Eerneghem, / noort van der kerke, tusschen wilen Lodewix van
Steelands lande vors. ende der kindren Arnout Nox / harer alder land an de
oostzijde, ende Arnout Refins doude an de westzijde, streckende / metten
noorthende up de leet. Dit vors. leengoed staet te trauwen ende te waerheiden
zinen / gherechten heere ende ter bester vrome, X-sten pennijnc ende camerlijncghelt
alst ghevalt. In / oorcondscepe der waerheiden zo hebben wij Jan filius Jans
Lammeloots als man van voghdye / metgaders Jan filius Arnouts Refins
bovenghenomd dit aldus overghegheven in rechten / rapoorte onder onsen zeghele.
Dit was ghedaen int jaer ons Heeren M CCCC achten/veertich den dertiensten dach
in decembre.
BRUGGE,
RIJKSARCHIEF, Familiefonds 2521
29 november
1446
Voor het
leenhof van Ten Waelschen in Beernem, gevormd door de baljuw, 2 eigen
leenmannen en 3 aan de burg van Brugge ontleende leenmannen, verklaart Amant
Witteweyts dat hij een leen van 15 1/2 gemeten in Beernem, gehouden van het
voornoemde leenhof, uit noodzaak verkocht aan Jan de Baenst baljuw van Brugge.
Zijn echtgenote Maria behoudt echter haar bijlevingsrechten. Er hadden 3 kerkgeboden
plaats. Amant wordt onterfd. Jan de Baenst wordt ingeërfd.
Ic Jan de
Vroede, bailliu ende wettelijc maenre van den mannen van leene Anthonine de
dochter Heulaert van Claerhout als van haren hove Ter Waelschen, ende wij /
Heinric Hugheins, Amand Sconeman, mannen van leene der vors. joufrauwen als van
haren vors. hove, Pieter Thoen, Jan van Nokere filius Oliviers ende Lievin van
Curtrike, mannen / van leene ons gheduchts heeren grave van Vlaendren als van
ziere buerch van Brugghe wettelicke gheleent joufrauwe Anthonine vors. te desen
sticken van dies moghende / was van doene, doen te wetene allen denghoennen die
desen chaerter zullen zien jof horen lezen, dat camen voor ons bailliu ende
mannen vornomt in vullen hove wettelicke / ghemaect in behouvelicker stede,
Amant Witteweyts. Toghede ons ende seide dat hij houdende ware een leengoed te
leene ende in manscepe van der vors. joufrauwe / Anthonine als van haren vors.
hove, groot vichtiene ghemeten ende een half lands, lettel meer iof min, ligghende
in de prochie van Bernem in viere sticx west van der / kerken daerof dats
leicht allevene ghemeten twee linen lands in eene jeghenoode gheheeten den
Bloct, an de oostzide es gheland Joris Welleware, ende an de westzide / de
strate die loopt duere de Reynert, ende an de zuudhende ende an tnoorthende up
de Leye. tAnder stic es groot vire linen ende twaelf roeden, ligghende up
Rollins/ackere, an de westzide de vors. strate, an doostzide es gheland
joufrauwe Thonine de dochter Heulaerts van Clarhout, up tzuudhende de kindren
Gossins Scouthetens, ende / up tnoorthende Jan de Baenst nu bailliu van
Brugghe. Ende tderde stic es groot een ghemet ende een half, ende heet de
Scakelmeersch, de Leye loopt hierduere, an de westzide es / gheland de wedewe
Amand Dullaerts, ende an doostzide de kindren Goris Eckaerts. Ende tvierde stic
es groot een ghemet, ende heet de Obeilc, an de zuudzijde es gheland Jan / de
Baenst nu bailliu van Brugghe, an de noordzijde daeldinghers Jans Metteneye,
ende hoofdende met den oosthende up Huelaerts broucgracht, ende an twesthende
Jan / van Nokere. tWelke vors. leengoed hii kende loyaelicke vercocht hebbende
Janne de Baenst in desen tiiden bailliu van Brugghe. Ende begherde daerof te
buten te / gaene ende wettelicke onthervet te zine bij noode omme beters wille,
behouden Marye sinen wive daeran haren recht van bilevinghen dat zoe daer/an
sculdich es te hebbene met den rechte. Ende hilt hem vernoucht ende wel betaelt
van den ghelde datter hem of belooft was. Daer was voor ooghen de vors. Jan de
/ Baenst dewelke begherde daerin ghehervet te wesene al wettelicke als coopere
int vors. leengoed. Ende omme wettelicke daermede voort te gaene, so maende ic
bailliu vornomt de / vors. mannen van den rechte. Ende wii vors. mannen wiisden
ute dien dat ons kenlic was van der nood van desen ende van den kercgheboden
ghedaen zijnde also behorde, / dat de vors. Amant tselve leengoed met al datter
toebehoort, updraghen zoude met plockene ende met haelmene in den handen van
onsen vornomden bailliu als in sheeren / handen. Daer zo vulcam hij tvoorwijsde
vonnesse van ons mannen vornomt ende onthervede hem al wettelicke naer wetten,
costumen ende usagen van den hove. Ende ic / bailliu vornomt bij vonnesse van
den mannen dit vors. leengoed aldus hebbende in minen handen als in sheeren
handen, droucht voort up ende in den handen Jan de Baenst / den coopere, ende
hervedene daermede met plockene ende met haelmene, wel ende wettelicke naer de
costume van den hove. Doe maende ic bailliu vornomt de vors. mannen / van den rechte.
Ende wii vors. mannen wijsden dat de vors. Jan de Baenst zo wel ende zo
wettelicke ghehervet ware in dit vors. leengoed met al datter toebehoort, dat /
al wel sculdich es te wesene zijn vry eyghin wettelicke leengoed omme dat te
houdene te leene ende in manscepen van der vors. joufrauwe Anthonine als van
haren vors. hove / met zinen rechten dienste, behouden der vors. Marye haer
recht van bilevinghe updat ghevalt also vors. es. Ende omme dat alle dese
dinghen waren ghedaen wel / ende wettelicke ende te wetten vulcommen met allen
den maninghen ende vonnessen die daer toebehoren ghedaen te zine, naer wetten,
costumen ende usagen van den / hove ende niet min, so hebben wij bailliu ende
mannen bovenghenomd desen chaertere huuthanghende bezeghelt elc onser met zinen
zeghele. Dit was ghedaen int / jaer duust vierhondert ende sesse ende veertich
den neghene ende twintichsten dach van novembre.
BRUGGE,
RIJKSARCHIEF, Familiefonds 2549
9 mei 1424
Voor de
plaatsvervangende baljuw en 7 leenmannen van de burg van Brugge wordt een
hertogelijke commissiebrief d.d. 1 april 1424 (N.S.) voorgelegd. Hertog Filips
de Goede geeft op verzoek van Adriaan van Oudvivere aan het leenhof de opdracht
om een leen van 45 bunder land in Oostkamp (Sint-Urselveld), gehouden van het
voornoemde leenhof, te splitsen. Leenhouder Adriaan van Oudvivere, poorter in
Brugge, heeft uit noodzaak 26 gemeten van dit leen verkocht aan Boudewijn van
den Leene, vrijlaat van het Brugse Vrije, voor 60 ponden franc-argent.
De 26 gemeten zullen een nieuw leen (Nieuwenhofveld) vormen, gehouden van het
voornoemde leenhof tegen een half verhef. De nieuwe leenhouder moet manschap (foi
et hommage) afleggen, een denombrement indienen en eed eed afleggen (serment
de feaulte). Verkoper Adriaan van Oudvivere en zijn echtgenote Clara,
beiden vervoogd, en koper Bernard van den Leene verschijnen voor het leenhof.
Er hadden 3 veertiendaagse kerkgeboden plaats. Het echtpaar Adriaan van
Oudvivere en Clara verklaren dat de verkoop en splitsing uit noodzaak gebeurt.
Het echtpaar brengt het leen in handen van de baljuw. Clara doet afstand van
haar bijlevingsrecht op de 26 gemeten. De baljuw splitst het leen. Boudewijn
van den Leene wordt in het leen van 26 gemeten ingeërfd. Adriaan van
Oudvivere wordt in het restant van het oorspronkelijke leen
heringeërfd. Boudewijn van den Leene legt manschap af (zwoer
fiaulteitscip).
Ic Victor van
Bavendamme, bailliu van den Houdschen, wettelijc stedehoudere mer Clais
Utenhove, ruddere, bailliu van Brugghe, van den lande van den Vryen met datter
toebehoert ende manere van den mannen van leene mins gheduchts heeren /
shertoghen van Bourgoingnen, grave van Vlaendren ten hove ter buerch te Brugghe
in dien tijden, ende wij Gervais de Vulre, Jacob Vilaert, Michiel Sey, Jooris Melis,
Michiel Marchant, Jan de Clerc ende Pieter Toen, mannen van leene ons vors. /
gheduchts heeren van Bourgoingnen ende van Vlaendren, ten hove ter buerch te
Brugghe vorseid, doen te wetene allen dengoenen die desen chartre zullen zien
of hoeren lesen, dat wij up den dach van heden zaghen ende hoorden lesen eene
commissie / gans gave ende gheheel, zonder vicie ende rasure, wel bezeghelt met
ons vorseids gheduchts heeren zeghelle in rooden wasse, inhoudende van worde te
worde den teneur die hiernaer volghet. "Phelippe,
duc de Bourgoingne, conte de Flandres, dArtois / et de Bourgoingne Palatin,
seigneur de Salins et de Malines, a tous ceulx qui ces presentes lettres
verront, salut. Savoir faisons nous avoir receu lumble supplicacion de Adriaen
de Oudvivere, bourgois de notre ville de Bruges, contenant que de quarante et
cinq bonniers / de terre que ledit suppliant tient en fief de nous a cause et
descendant de notre bourg de Bruges, gisans en la peroche de Orscamp, il a
nouvellement pour ses neccessitez et affaires vendu a ung nomme Bauduin de le
Leene, franchoste, vint et six mesures, / pour la somme de soixante livres par.
monnoie de notre pays de Flandres que ledit vendeur en doit avoir de franc
argent, pour les dictes XXVJ mesurez estre esclissiees et separees desdis XLV
bonniers de terres et tenues en fief et hommage de / nous a cause et descendant
de notredit bourg de Bruges a cent sols de relief a la mort ou quand par
vendicion ou autrement seroit mue et a telz aultres services et droitures comme
tout ledit fief est tenu. Toutesvoies ledit suppliant ne porroit, si quil dist,
/ parvenir a ladicte esclisse ne desdictes XXVJ mesures de terre estre
desherite, ne ledit acheteur y adherite sans notre consentement et ottroy, dont
il nous a tres humblement supplie. Pourquoy nous, ces choses considerees, et
sur icelles eu avis par notre / conseil, audit suppliant inclinans a sa
supplicacion, avons consenti et ottroye, consentons et ottroyons de grace
especial par ces presentes, que ladicte esclisse et separacion se face par la
maniere dessusdicte. Si donnons en mandement a notre bailli de Bruges ou son /
lieutenant que appelles de noz hommez de fief telz et en tel nombre et au lieu
quil appartient, il prengne dudit suppliant le werp et desheritement desdictes
XXVJ mesures en les esclissant et separant dudit fief de XLV bonniers de terre
et en icelles / ainsi esclissiees adherite bien et a loy, sauve en ce notre
droit et lautruy, ledit Bauduin acheteur, pour doresenavant, lui, ses hoirs,
successeurs et ayans cause, les tenir en fief et hommage de nous et de noz
hoirs et successurs, contes et contesses de Flandres / a cause et descendant de
notredit bourg de Bruges a cent solz de relief a la mort ou quand par vendicion
ou aultrement sera mue, et a telz aultre services et droitures que tout ledit
fief de quarante et cinq bonniers estoit et que les semblables fiefs / de
notredit bourg de Bruges sont tenus, dont ledit acheteur et sesdis hoirs et
successeurs seront tenus de faire foy et hommage a nous et a nozdis hoirs et successeurs
et den baillier le denombrement a cellui de noz officiers et ainsi quil
appartendra, / et en recevant de lui le serment de feaulte, lui baille la
possession et saisine dudit fief en y faisant et adioustant toutes les
solemnites en tel cas requises, et tant notredit bailli de Bruges et noz hommez
de fief dudit bourg comme tous noz autres justiciers, / officiers et subges
quil puet et porra touchier, laissent, facent et seuffrent lesdis vendeur et
acheteur joir et user paisiblement et plainement de notre presente grace,
consentement, ottroy et esclissement sans empeschement ou destourbier. Car
ainsi nous / plaist il estre fait, non obstant que ledit acheteur soit
franchoste de notre terroir du franc, pourveu toutesvoies que le sourplus
desdites XXVJ mesures de terre ainsi esclissiees sera et demoura tenu en fief
de nous et de nozdis hoirs et / successeurs a telz relief, services et
droitures comme il estoit avant ledit esclissement. En tesmoing de ce nous
avons fait mettere notre seel a ces presentes. Donne en notre ville de Bruges
le premier jour davril lan de grace mil quatrecens / vint et trois avant
pasques. Ainsi signeez par monseigneur le duc a votre relacion. J. de
Gand." Ende naer den lesene van der vors. commissie, so camen vor ons
bailliu ende mannen bovenghenomd in vullen hove wettelike ghemaect in
behouveliker / stede, Adriaen van Oudvivere ende Clare zijn wijf, metgaders
Jacob van Caprike haerlieder beeder leeke bistaende vooght hemlieden te wetten
ghegheven ten sticken die hiernaer volghen. Toogheden ons ende seiden hoe dat
de vors. Adriaen / houdende ware een leengoed te leene ende in manscepen van
onsen vors. gheduchten heere als van zinen vornomden hove ter buerch te
Brugghe, groet wesende vive ende viertich bundere lands, ligghende in de
prochie van Orscamp. Kende / [........] ende lieden wel ende loyaellike
vercocht hebbende Boudin van den Leene, vrylaet van den lande van den Vryen,
zesse ende twintich ghemete lands ligghende in de vors. prochie van Orscamp
zuud van der kerken in een jeghenoode die / [............] tNieuwehofvelt,
tusschen den herweghe die comt van Brugghe ende loept te Molembekewaert an de
oostzijde, ende der aeldinghers Jans van Honeborch land an de westzijde,
streckende met den zuudhende an Jacobs van Nieukerke / ende [....] filius
Boudins van der Haghe land. Versochten de vorseide zesse ende twintich ghemeten
lands al wettelike ghespleten te hebbene van den vors. leene. Ende begherden
daerof een leen te makene, ghehouden van onsen vors. gheduchten heere / [van]
zinen vornomden hove, staende te trauwen ende te waeheden ende teenen halven
relieve van vive ponden parisis, ende oec te alzulken dienste als principaele
leen tote den daghe van hezden ghestaen hadde, ende hemlieden derof te
onthervene. Daer was vor oghen / [Boudin] van den Leene, dewelke begherde in de
vors. splete van zesse ende twintich ghemeten lands gheervet te wesene omme dat
te houdene teenen leene van onsen vors. gheduchten heere van zinen vors. hove
also vors. es. Ende omme wettelike / [der]mede voort te gaene ter begherten van
beede den vors. partien, so maende ic bailliu vornomd de vors. mannen of zij mi
machtich kenden de wettelichede te doene behoerende ghedaen te zine te desen
sticken naer den inhoudene van der / vors. commissie. Ende wij vors. mannen
kenden Victore van Bavendamme onsen vornomden bailliu wel machtich ende vulle
macht hebbende alle de wettelicheden te doene hiertoe behoerende ghedaen te
zine ghelijc de vors. commissie verclaerst, / mencion maect ende inhoud. Voort
maende ic bailliu vornomd de vors. mannen van den rechte. Ende wij vors. mannen
wijsden dat men ons kenlijc doen zoude de kercgheboden van deser vors. splete.
Ende aldaer zo waren van ons mannen / vornoomd de drie kercgheboden van deser
vors. splete wettelike ghekent ghedaen up drie zondaghen van viertiennachten te
viertiennachten te Orscamp in de vors. prochiekerke also men kercgheboden
sculdich es van doene, / ende onghecalengiert van yemene. Voort maende ic
bailliu vornomd de vorseide mannen van den rechte. Ende wij vors. mannen
wijsden dat men Adriaen van Oudvivere, Clare zijn wijf ende haerlieder vors.
leeken bistaenden vooght / ghevrach doen zoude hoe zij te buten wilden gaen van
deser vors. splete, zo bij hoire, zo bij noode. Aldaer zo was hemlieden
ghevrach ghedaen van mi bailliu vornomd. Ende zij andworden dat zijs te buten
wilden gaen bij noode omme / betere [......] ende omme aerghere te scuwene.
Denwelken nood zij kenlijc maecten met tween van ons mannen van den hove. Voort
maende ic bailliu vornomd de vors. mannen van den rechte. Ende wij vorseide
mannen wijsden dat / adriaen van Oudvivere ende Clare zijn wijf metgaders Jacob
van Caperike haerlieder leeke bistaende vooght, tvors. leengoed met al datter
toebehoert up ende in handen draghen zouden onsen vornomden bailliu als in
sheeren handen, ende hemlieden / daer [........] ende halmen zouden omme daerof
te treckene ende te splitene de vors. zesse ende twintich ghemeten lands
ligghende ter vors. plaetsen ende daerof een leen maken ghehouden van onsen
vors. gheduchten heere als van ziere buerch / van Brugghe vors., staende te
alzulken dienste als vors. es ende teenen relieve van vive ponden parisis. Daer
zo vulcamen zij tvorwijsde vonnesse van ons mannen. Droughen dit vors. leengoed
met al datter toebehoert up ende in handen onse vornomden / bailliu als in
sheeren handen, ende ploctens, halmedens ende ontworpens hemlieden wel ende
wettelike, naer wetten, costumen ende usagen van den hove. Ende Clare vors.,
ter maninghe van mi bailliu vornomd ende wijsdomme van ons / mannen [........]
haer hand ende zwoer ten heleghen nemmermeer eenich recht te hesschene noch te
calengierene an dese vors. splete van zesse ende twintich ghemeten lands noch
an yet datter toebehoert in bilevinghen, in duwarien / of [...........] bij
desen vooght, noch bij gheenen andren vooght, in dit hof, noch in gheen ander
hof, ter gheesteliker wet, noch ter wereliker wet, omme gheenen nood die hare
toecommen mochte van also velen als van viere peninghen parisis / of [....]
hende van nieuten, also moeste hare God helpen, alle Gods heleghen, ende bij
hare wijfwaerhede. Voort maende ic bailliu vornomd de vors. mannen van den
rechte. Ende wij vors. mannen wijsden dat de vors. Adriaen van Oudvivere / ende
Clare zijn wijf metgaders haerlieder leeke bistaende voght, hemlieden zo wel
ende zo wettelike onthervet hadden van desen vors. gheheellen leene met al
datter toebehoert, ende dat zo wel ende zo wettelike commen ware in ons / vors.
baillius handen als in sheeren handen dat men wel daerof spliten mochte ende sculdich
ware te splitene de vors. zesse ende twintich ghemeten lands, ende daerof een
leen maecken ghelijc vors. es omme daerin te ervene / Boudin van den Leene den
coepere vors., ende daernaer erven den vors. Adriaen weder int remenant van
zinen vors. leene. Ende ic bailliu vornomd, dit vors. gheheelle leen aldus
wettelike hebbende in minen handen als in sheeren handen, / splet ende trac
daerof al wettelike de vors. zesse ende twintich ghemeten lands ende maecte
daerof een leen ghehouden van minen vors. gheduchten heere als van zinen
vornomden hove, staende teenen halven relieve van vive / ponden parisis ende te
alzulken dienste als vors. es, ende hervede daermede Boudin van den Leene wel
ende wettelike, met plockene ende met halmene. Ende voort ervede wedere Adriaen
vors. int remenant van zinen vors. leene / wel ende wettelike also de mannen
ghewijst hadden. Doe maende ic bailliu vornomd de vors. mannen van den rechte.
Ende wij vors. mannen wijsden dat van den vors. principaelen leene zo wel ende
zo wettelike of/ghetrocken ende ghespleten ware de vors. zesse ende twintich
ghemeten lands ende daerof een leen ghemaect, ende dat daerin gheervet es wel
ende wettelike Boudin van den Leene de coepere vors., dat wel sculdich es te /
wesene zijn vry eghin wettelike leengoed omme dat bij hem ende bij zinen
naercommers te houdene te leene ende in manscepen van onsen vors. gheduchten
heere den grave van Vlaendren als van zinen vornomden hove met alzulken /
dienste als vors. es ende teenen relieve van vive ponden parisis. Ende oec dat
de vors. Adriaen van Oudvivere zo wel ende zo wettelike weder gheervet ware int
remenant van zinen vors. principaelen leene dat al wel / sculdich es stede te
houdene ende van werden te blivene. Ende stappans de vors. Boudin van den Leene
zwoer fiaulteitscip van zinen vors. leene onsen vors. gheduchten heere in den
handen van mi bailliu vornomd met alzulken eeden / ende sollemnicheden als
daertoe behoeren ter kennessen van ons mannen. Aldaer zo waren partien, de
heere, bailliu ende mannen vornomd vernoucht ende welbetaelt van al haren
ghelde ende rechte datter hemlieden anhanghen / of cleven mochte tote den daghe
van heden, ende svolden Boudin van den Leene coepere vors., wettelijc derof
quite ende alle degoene diere cause toehadden of hebben mochten met eeneghen
rechte. Ende omme dat alle dese / dinghen waren ghedaen wel ende wettelike ende
te wetten vulcommen met allen den maeninghen ende vonnessen diere toebehoeren
ghedaen te zine ende niet min, naer wetten, costumen ende usagen van den hove,
so hebben / wij bailliu ende mannen vornomd, in kennessen der waerheden, desen
chaertere huuthanghende bezeghelt elc onser met zinen zeghelle. Dit was ghedaen
ende te wetten vulcommen int jaer ons Heeren als men screef / zijn
incarnaciondusentich vierehondert viere ende twintich den neghensten dach van
meye.
BRUGGE,
RIJKSARCHIEF, Familiefonds 2555
15 december
1481
Akte van
recepisse door de baljuw van een leenheerlijkheid van 8 1/2 gemeten in
Ramskapelle, in handen van Wouter van Messeem zoon van Jan, dat zelf onder de
burg van Brugge ressorteert, en dit van onderstaand denombrement.
15 december
1481
Denombrement
door Lodewijk de Baenst zoon van Lodewijk, ridder, van een geconditioneerd leen
van 8 lijnen 30 roeden in Ramskapelle, gehouden van een leenheerlijkheid van 8
1/2 gemeten in Ramskapelle, in handen van Wouter van Messeem zoon van Jan.
Laatstgenoemd leen ressorteert zelf onder de burg van Brugge.
Ic Pieter van
der Muelen, bailliu van der mannen van leene van Willem van Messeem filius Jans
als van zijnen hove ende leene in / Raemscappelle dat hij houd van der buerch
van Brugghe in dese tijden, hebbe ontfaen onder den zeghele van mer Lodewijc /
de Baenst filius Lodewiic, alzulc verclaers van der gherechter grotte ende
leghere van eenen leene als de zelve mer Lodewijc / houdende es van den zelven
hove ghelijc als hiernaer volghet. "Ic Lodewiic de Baenst filius
Lodewijcx, ruddere, houde te / leene ende in manscepen van Willem van Messeem
filius Jans als van zine hove ende leene in Raemscappelle dat hii houd van der
/ buerch van Brugghe, een leengoed groot zijnde achte lijnen ende dartich
roeden lands, lettel meer of min, ligghende / binnen der prochie van
Raemscappelle, zuudwest van der kercken, ende noordwest van der kercke van
Dudsele, tusschen / Jan de Baenst lande an de noordside ende ant oosthende,
streckende metten zuudhende an den Lamerwech, ende metten / westhende commende
an den heerwech. Staende tvoors. leengoed te dienste van trauwen ende
waerheden, te / relieve ende camerlijncghelde van vullen coope, ende voort te
alzulken laste van thiendepennijnc ende anders als / ment vercoopt als andre
leenen staen in ghelijcken gheldende, jaerlicx te dienste eene paer handschoen
/ telken baefsmesse, ghehouden van den zelven hove. Oorconde minen zeghele
hieran ghehanghen den XVen / dach in decembre int jaer XIIIJc een ende
tachtentich." In kennessen van desen zo hebbic Pieter van der Muelen / als
bailliu voornomt dese lettre in voorme van recepisse huuthanghende bezeghelt
met minen zeghele ten daghe / ende jare als boven.
BRUGGE,
RIJKSARCHIEF, Familiefonds 2560, akte d.d. 20 juni 1441
20 juni 1441
De baljuw van
de leenheerlijkheid Sint Sixtus in Westvleteren verklaart dat hij van Jan Snouckaert
(uit de handen van Jan Hoofde) 16 ponden 19 schellingen parisis Vlaams ontving
als tiendepenning bij de verkoop van een leen. Het betreft 8 gemeten 2 lijnen
50 roeden elst in Westvleteren, ressorterend onder het voornoemde leenhof. Jan
had het leen aan Jan de Baenst verkocht voor 16 schilden Vlaams per gemet of in
het totaal 14 ponden 2 schellingen 8 denieren groten Vlaams (= 169 ponden 12
schellingen parisis).
Ic Jooris van
den Poele, bailliu van den mannen van leene toebehoorende mer joncfrauwen
wettelike / gheselnede van eerwerdeghen ende wijsen Philips van Loncpre bailliu
van Berghen, van haren hove ende / heerscepe van Saint Sex, kenne ontfaen
hebbende van Jan Snouckaert bij den handen van Jan Hoofde filius / Jans de
somme van zestiene ponden neghentien scellijnghen par. Vlaemscher munten over
den rechten / tiendepennijnc van eenen leene dat hij houdende was van mer vors.
joncfrauwe van haren voors. hoven, / ligghende inne de prochie van
Westvleterne, groot wesende achte ghemeten twee linen ende vichtich roeden /
elsten, twelke hij onlanx leden vercocht heeft Janne den Baenst bailliu van
Brugghe, elc ghemet / zestiene scilden Vlaemscher munten elc betalende dat hij
sculdich es te betaelne. Comt der / gheheeler / coop van den vors. leene ter somme
van viertiene ponden twee scellijnghen ende achte pennijnghen groten, / valunt
CLXIX lb. XIJ s. Comt den tiendepennijnc ter vors. somme van XVJ lb. XIX s.
par. danof ic mi / kenne ende houde over te vullen vernoucht ende al wel
betaelt. Schelde danof quite den vors. / Jan Snouckaert ende allen anderen
wiens quittancie behoudt. In oorconden van waerheden, zo / hebbic bailliu
bovenghenoomdt dese lettren van quittance gheseghelt met minen zeghele hieran /
ghehanghen den XX-sten dach van wedemaent int jaer duust vierhondert een ende
veertich.
BRUGGE,
RIJKSARCHIEF, Familiefonds 2560, akte d.d. 20 juli 1441 ()
20 juli 1441
De baljuw van
de leenheerlijkheid Sint Sixtus in Westvleteren verklaart dat hij van Jan de
Baenst in naam van diens zoon Lodewijk (uit de handen van Jan Hoofde) 10 ponden
parisis ontving als verhefgeld voor een leen van 8 gemeten 2 lijnen 50 roeden
elst in Westvleteren, ressorterend onder het voornoemde leenhof. Jan de Baenst
liet zijn zoon in het leen inerven. De baljuw stelt dat het denombrement reeds
werd overgebracht.
Ic Jooris van
den Poele, bailliu van den mannen van leene toebehoorende / mer joncfrauwen
wettelicke gheselnede van eerwerdeghen ende wijsen Philips / van Loncpre
bailliu van Berghen, van haren hove ende heerscepe te / Saint Sex, kenne
ontfaen hebbende van eerwerdeghen ende wijsen Jan de / Baenste bailliu van
Brugghe, bij den handen van Jan Hoofde filius Jans zinen / clerc, de somme van
tiene ponden par. Vlaemscher munten over trelief / van eenen leene bij hem
onlanx es leden ghecocht jeghen Jan Snouckaert, / groot achte ghemeten twee
linen ende vichtich roeden elsten ligghende / inne de prochie van Westvleterne,
streckende zuut ende noord, boosten an der / kerken van den Dunen elst,
bewesten an Vrancke van Moerkerke elst, besuden / an der kerken van Eversam
elst, ende benoorden der elst toebehoorende der / kerke van den Dunen. In
twelke leen dezelve Jan de Baenst al wetteleke / heift doen erfven Lodewijc den
Baenst zinen zone. Van welken relieve / ende ooc van den rapporte ende
overghevene van den vors. leene ic Jooris / van den Poele bailliu
bovenghenoomdt, mi houde ende kenne over / te vullen vernoucht ende al wel
vuldaen. Scelde danof quite den / vors. Jan de Baenst ende Lodewijc zinen zone
ende allen anderen wiens quittance / behouft. In oorconden van waerheden zo
hebbic Jooris van den Poele / als bailliu bovenghenoomdt dese lettren
gheseghelt met minen zeghele / hieran ghehanghen den XX-sten dach van hoymaend
int jaer duust / vierhondert een ende veertich.
BRUGGE, RIJKSARCHIEF,
Familiefonds 2560, 1ste akte d.d. 4 juli 1441
4 juli 1441
De baljuw van
de leenheerlijkheid Sint Sixtus in Westvleteren verklaart dat hij van Lodewijk
de Baenst de denombrementen ontving voor 2 lenen ressorterend onder het
voornoemde leenhof. Het betreft respectievelijk 21 gemeten bos in Westvleteren,
en 8 gemeten 2 lijnen 50 roeden elst in Westvleteren.
Ic Jooris van
den Poele, bailliu van den mannen van leene toebehoorende mer joncfrauwen der
dochtere van wijlen was mer / Willem de Visch, rudder, wettelicke gheselnede
van eerbaren ende wijsen Phelips van Loncpre bailliu van Berghen, van haren /
hove ende heerscepe van Saint Sux, kenne ontfaen hebbende van Lodewijc den
Baenst de rappoorten ende denombrementen / van twee leenen die hij houdende es in
twee manscepen van mer vors. joncfrauwen van haren vors. hove van Saint Seix. /
Danof tdeen groot es een ende twintich ghemeten bosch, litel min of meer ,
ligghende inne de prochie van Westvleterne, streckende / zuut ende noord,
boosten an een leen wijlen toebehoorende eenen Jan Snouckaert in twelke de
vors. Lodewijc de Baenst onlanx / gheerft heift gheweist, besuden an der kerke
van Everssam elst, ende benoorden der elst toebehoorende der kerke van den
Dunen. / Ende tander groot wesende achte ghemeten twee linen ende vichtich
roeden elsten, litel min of meer, ligghende inne / de zelve prochie, streckende
zuut ende noord, bewesten den vors. leene nu toebehoorende den vors. Lodewijc
den Baenst ende wilen / toebehoorende eidelen man Vrancke van Moerkerke, schiltcnape,
boosten der kerken van den Dunen elste, besuden an der / kerken van Eversam
elste, ende benoorden der elst toebehoorende der kerke van den Dunen. Staende
de vors. twee / leenen ende elc zonderlijnghe teenen vullen relieve van tiene
ponden par. ter doot of alst verandert. / In kennessen van waerheden, zo hebbic
Jooris van den Poele als bailliu bovenghenoomdt dese lettren van / recipisse
gheseghelt met minen zeghele hieran ghehanghen den vierden dach van hoymaend
int jaer / duust vierhondert een ende veertich.
BRUGGE,
RIJKSARCHIEF, Familiefonds 2560, 2de akte d.d. 4 juli 1441
4 juli 1441
De baljuw van
de leenheerlijkheid Sint Sixtus in Westvleteren verklaart dat hij van Vranke
van Moerkerke 36 schilden Vlaams ontving als tiende penning voor de verkoop
door Vranke aan Jan de Baenst, baljuw van Brugge, van een leen van 21 gemeten
bos in Westvleteren, ressorterend onder het voornoemde leenhof. De verkoopprijs
bedroeg 36 ponden groten Vlaams. Lodewijk de Baenst zoon van Jan werd
ingeërfd. Daarenboven ontving de baljuw van de nieuwe leenhouder
Lodewijk (uit de handen van Vranke van Moerkerke) 10 ponden parisis als
verhefgeld.
Ic Jooris van
den Poele, bailliu van den mannen van leene toebehoorende mer joncfrauwe der
dochtere van wijlen was mer / Willem de Visch, rudder, wettelicke gheselnede
van eerbaren ende wijse Philips van Loncpre bailliu van Berghen, kenne /
ontfaen hebbende van edelen man Vrancke van Moerkerke de somme van zesse ende
dertich schilden Vlaemscher / munten over den tiendepennijnc van eene leene bij
den vors. Vrancke onlanx vercocht eerbaren ende wijsen / Janne den Baenst
bailliu van Brugghe, ghehouden van mer vors. joncfrauwe, van haren hove ende
heerscepe van / Saint Sex, groot wesende tvors. leen een ende twintich ghemeten
bosch, litel min of meer, ligghende inne / de prochie van Westvleterne,
streckende zuut ende noord, boosten an een leen wijlen toebehoorende eenen /
Jan Snouckaert in twelke nu gheerft es al wettelicke ter manijnghe van mi
bailliu ende bij vonnesse van den mannen / van leene van den vors. hove
Lodewijc de Baenst filius Jans, besuden an der kerken van Eversam elst, ende
benoorden / der elst toebehoorende der kerken van den Dunen. tWelke vercocht
was de somme van zesse ende dertich ponde / groten Vlaemscher munten, danof den
tiendepennijnc comt ter vors. somme van XXXVJ scilden vors. munten. In twelke /
leen bij consente van den vors. Jan den Baenst als coopere al wettelicke
gheerft es de vors. Lodewijc de Baenst / zijn zone. Van den welken Lodewijc de
Baenst ic bailliu bovenghenoomdt kenne ontfaen hebbende bij / den handen van
den vors. Vrancke van Moerkerke, de somme van tiene ponden par. Vlaemscher
munten / over trelief van den zelven leene. Van welken voors. sommen
bovenghenoomdt over den rechten tiende/pennijnc ende trelief van den vors.
leene ic bailliu bovenghenoomdt mi houde ende kenne over te vullen / vernoucht
ende al welbetaelt, ende scelde danof quite den vors. Vrancke van Moerkerke,
Lodewijc den Baenst / ende allen anderen wiens quittancie toebehoort of toebehooren
mach met den rechte. In kennessen van / waerheden zo hebbic Jooris van den
Poele als bailliu bovenghenoomdt dese lettren van quittancien / gheseghelt met
minen zeghele hieran ghehanghen den vierden dach van hoymaend int jaer duust /
vierhondert een ende veertich.
BRUGGE,
RIJKSARCHIEF, Familiefonds 3105
15 mei 1482
Voor het
leenhof van de leenheerlijkheid Bellekin in Belle, gevormd door de baljuw, 4
eigen leenmannen en 1 aan het grafelijk leenhof van Belle ontleende leenman
verschijnen enerzijds Thomas Lonis, en anderzijds Jan van der Poorte echtgenoot
en voogd van Matte Lotins dochter van Jan, en Anceel Bruninc procureur van
Matte. Anceel legt een procuratiebrief d.d. 10 mei 1482 van de schepenen en
raad van Gent voor waaruit blijkt dat Matte Lotins met instemming van Jan van
der Poorte Anceel aanstelt om zich in haar naam voor het leenhof van Bellekin
te onterven van 2 lenen gehouden van het voornoemde leenhof. Het betreft 2
lenen van elk 28 voeten in de Weststraat in Belle. Matte verkocht het enen leen
aan Jaques Lonis en het andere aan Thomas Lonis. De verkoopprijs bedroeg 5
ponden parisis Vlaams per voet, alsook voor elk leen 1 groten als godspenning
en 3 ponden parisis als lijfkoop. Jan van der Poorte en Anceel Bruninc
verklaren dat Thomas Lonis één van de lenen kocht tegen
de aangegeven prijs. Het leenhof erkent de (financiële)
noodzakelijkheid van de verkoop. Anceel wordt in naam van leenhoudster Matte
Lotins onterfd. Thomas Lonis wordt ingeërfd. Hij legt manschap (feaultheit)
af.
Allen den
ghonen die dese presente lettren zullen zien of hooren lezen. Ic Karel Contect
in dezen tijden bailliu van eerweerdighen ende wijzen Charles Vasque van zijnre
heerlichede, / hove ende juridictie van Bellekin, dat hij houdende es in leene
ende manscepe van den hove van Belle, doe te wetene allen lieden dat voor mi
bailliu voors. ende ter presencie / van Boudin Cousin, Laureins Hughe, Karels
van den Ackere filius Willems ende France de Langhe als erfvachtighe mannen van
den vornomden hove van Bellekin, metgaders dien / Jan van den Cornuse filius
Jans, bastart, als man van den hove van Belle te dezen verleendt, hemlieden
appareirden in persone in ghemaecten hove onder de vors. heerlichede / binder
stede van Belle, Thomaes Lonis over een zijde, ende Jan van der Poorte als man
ende kerckelic vooghd van joncvrauwe Mate Lotins filia Jans, metgaders Anceel /
Bruninc als procureur van der vornomden joncvrauwe over andere, ghefondeert de
vornomden procureur bij lettren van procuratien speciale ende inrevocable
zulcke als hiernaer volcht van / woorde te woorde. "Allen den ghonen die
deze presente lettren zullen zien of hooren lezen, scepenen ende raed van der
stede van Ghend, saluut. Doen te wetene allen lieden dat voor / ons commen ende
ghecompareirt es joncvrauwe Matte Lotins filia Jans wettelic wijf van Jan van
der Poorte bij consente ende als vulcommelic gheauctoriseert in de onder/
screpvene zake bij den vornomden Jan haren man, bij haren vryen dancke ende
wille. Maect haren procureur irrevocable Anceel Bruninc, hem ghevende vulle
macht, consent, / auctoriteit ende speciael bevel omme in de name van haer te
compareirne voor den bailliu ende mannen van Charles Vasque van zijnen hove
ende heerscepe gheheeten Bellekin, / gheleghen buten der stede van Belle ende
ghehouden van den hove van Belle ende eldere daert van nooden wezen zoude, ende
hem als machtich ende gheauctoriseirt / zoo vors. es, te ontutende, onterfvene
ende te buten te gane van tween leenen gheleghen binnen der vors. stede van Belle,
deen nefvens dandere in de Weststrate an de / zuudzijde, elc leen groot zijnde
achte ende twintich voeten, lettel min of meer. Danof Jaques Lonis ghecocht
heeft deen leen, daer nefvens licht een leen an de / oostzijde dat wijlen
toebehoorde Thomaes de Ruddere. Ende tdander leen heeft ghecocht Thomaes Lonis,
de stede van Belle daer nefvens gheerft an de westzijde. / De coopers of
deghone die hemlieden ghelieven zal in de vornomden leenen te verghiftene,
erfvene ende goedene bij updrachten in sheeren handen, bij plocke ende alme, /
de penninghen van den voors. cope draghende van elke voete vijf ponden par.
ende bovendien van elken leene eenen groten voor den godspenninc, ende drie
ponden / parisisen van lijfcope, de penninghen van den voors. cope up theffene
ende tontfane, quijtsceldinghe daerof te ghevene, ende voort generalic ende
specialic anders al / daerinne te doene, renonchierne, belovene ende
consenteirne dat de vors. constituante zelve zoude moghen doen bij alzoo dat
zoe in persone present ende / voor hoghen ware. Belovende wies bij den
vornomden Anceel in deze zake ghedaen, ontuut, onterft, gherenonchiert,
ontfaen, quijteghescolden zal werden, thoudene goed, / vast, gheduerich ende
van weerden teeuwelicken daghen. Ghegheven in kennessen der waerheden onder den
zeghel van zaken der voors. stede van Ghend den tiensten / dach van meye int
jaer XIIIJc twee ende tachtentich. Aldus gheteekent upten ploy Ketulle."
Verkennende ende verlyende de vornomden Jan ende Anceel als procureur voors. /
voor mi bailliu voors. ter presentie van den vornomden mannen, wel ende
loyalicke vercocht hebbende den zelven Thomaes Lonis, een zeker leengoed ende
manscip groot / zijnde als boven XXVIIIJ voeten gronds gheleghen binnen der
voors. stede van Belle in de Weststrate an de zuudzijde van der strate,
tusschen den leene Agnees / Scripvers wettelijcke ghezelnede van hem Thomaes an
de oestzijde, ende den gronde van den vornomden stede van Belle an de
westzijde, twelke leengoed zou houdende / was in leene ende in manscepe van den
voors. hove van Bellekin. Ende kende hij Anceel ende Jan tzelve leengoed
ghegheven hebbende omme eenen groten te / godspenninghe, drie ponden par. te
lijfcope ende van principalen cope omme de somme van vijf ponden par.
Vlaemscher munten de voet. Wanof ende van / al dies ten rechten loyalen cope
toe diende ende behoorde, de voors. Anceel ende Jan hemlieden hilden
absolutelic ovre vernoucht ende te vullen betaelt. / Mids welken de voors.
Anceel in de name van der vors. joncvrauwe Mate als erfvachtighe int zelve leen
begheerde ende verzochte hem te onterfvene scopers / behouf of tghuents behouf
diet metten rechte sculdich wesen zoude van hebbene oft daerin zoude willen
doen erfven. Ende achtervolghende dien / ter maninghe van mi bailliu vors. ende
ten vonnesse van den vornomden mannen, naerdat den hove bleken was den nood van
der vornomden joncvrauwe, dezelve Anceel / slouch hand an de roede van
justicien ende brochte mi als heere tvors. leengoed in handen, de vierhoucken
ende de middewaert, met allen den rechten, vryheden, / appartenancen ende
appendencen daertoe dienende ende behoorende. Onterfde hem als procureur
vornomt van dien omme betere ghedaen danne ghelaten, ende erfde mi / bailliu
als heere daerin ten oirboire ende prouffijte van den vornomden Thomaes als
copere of tghuents behouf wient hem ghelieven zoude of sculdich wezen / zoude.